اذا انت صريح ! تفضل ..؟

انا هجاوب الاسئله دى زى ما جاوبت اسئله ملوكتنا

***************************

اعتذار تريد ان تقدمه لمن؟

لأى شخص زعلان منى واقوله متزعلش منى لانى مبحبش اى حد يزعل منى ابدا

من صديق ولا من حبيب ولا حتى من حد معرفهوش كويس



ما ردة فعلك عندما يقول لك حبيبك : أحبك نعم ؟

هى دى المقوله بتاعت احبك نعم اتزوجك لا =======> يبقى عند امــــــــــه




ماذا ستكتب لنا لتعبر عن حياتك التي عشتها الى الان في كلمات قليله ؟

حياتى مليئه بالضحك والهزار والجد والحزن ساعات والبكاء ساعات بس انا عن نفسى بحب اضحك واهزر كتير

يعنى كويس حياه ماشيه وهتعدى




اذا اردت ان تبكي الان , فعلى من تبكي؟

مش عارفه بجد مفيش حد جرحنى ولا عملى حاجه




من ستختار ليمسح دموعك ؟

حبيبى




من يسكن قلبك؟

حبيبى وامى وابويا واخويا واصدقائى واهلى وكل الناس بحبهم




هل تعتقد ان حظك سيئ؟

الى حد مــــــــــا





هل هزمك حزنك في يوما من الايام؟

اها اكييييد




((مستحيل انساك)) لمن تقولها ؟

حبيبى طبعااا




(( اللي راح راح وماتفيد كلمة ياريت )) إذا أردت ان توجه هذه العباره لمن

لأى حد ضاع منى او لأى شئ برضه مش عارفه





(( انت كل شيء بحياتي )) لمن تقولها ؟

عبيبى برضه




متى اخر مره بكيت؟

اول امبااااارح




اي الدول تتمنى ان تزورها ؟

لو جوه مصر عايزة اروح مرسى مطروح عشان بحرها اصل بحر اسكندريه معفن والله ميجيش فى بحر مطروح حاجه واذا كان برة مصر تكون لندن انجلترا يعنى


هل انت راضي عن نفسك ؟

الحمد لله




بماذا تقر وتعترف أمامنا الان ؟

انى بحبكوا اوى اوى وكلكوا زى اخواتى بالظبط




اغمض عينيك دقيقه لو سمحت, ماذا خطر على بالك وانت مغمض العينين ؟

حبيبى عشان زعلان منى




هل من الممكن ان تتحول الصداقه الى حب ؟

احتمااااااال بس ما اظنش




هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

لا والحمد لله




من هو اكثر شخص تفكر فيه؟

الاسئله كلها زى بعض يا اختى

تؤأم روحى




هل تكره شخص بشده في حياتك ؟

هههههههههههههههههه لا مفيش بس فى المطربييييين كتيررررر بس متوصلش لكرة الاعمى دة

يعنى مبحبش اللى شايف نفسه اوى




ما هو اقتراحك الذي تتمنى ان يحدث في هذا المنتدى ولم يحدث الى الان ؟

المنتدى تمام التمام وكله حلو والحمد لله اننا متجمعيييييييين هنا




ماالذي يلفت انتباهك بسرعه في الشخص لكي تعجب به ؟

أدبــه والطيبه



اذا احببت شخصا في الوقت الخطأ وفي المكان الخطأ فماذا تفعل ؟؟

اكيد هيوصل فى يوم انى اسيبه عشان كان وقت خطأ




حكمة تؤمن بها جدا؟؟

لا مفيش



عاده تفعلها دائما تتمنى ان تتركها ؟

انى بفضل على النت ساعات طويله عايزة اقسم وقتى كويس



ماهو اجمل اسم لولد واجمل اسم لبنت من وجهة نظرك؟

فى اسامى كتير للولاد زى اسامه وزيااااااااد ويوسف وادهم وادم

اما البنات فميش كتير ممكن سلمى وجنا وكدا بس

اختبار تمام التمام بس طويللللللللل اوى

شكرا يا عسل

شكرا سمورتى على مرورك وصراحتك

بسم الله نبدا

***************************

اعتذار تريد ان تقدمه لمن؟

لربنا سبحانه وتعالى


ما ردة فعلك عندما يقول لك حبيبك : أحبك نعم ؟

لا تتردد


ماذا ستكتب لنا لتعبر عن حياتك التي عشتها الى الان في كلمات قليله ؟

حياتى ملهاش طعم من غير رضا ربنا سبحانه وتعالى علية ووجود صحابى حوالية ومهما قابلت مواقف صعبة فحياتى لحد دلوقتى فانا مش بتألم منها لانها علمتنى يعنى اى حياة


اذا اردت ان تبكي الان , فعلى من تبكي؟

مش هبكى على حد لكن لو لزم الامر فعلى نفسي


من ستختار ليمسح دموعك ؟

لو لية حبيب اكيد هو ولو مليش همسحها انا


من يسكن قلبك؟

مفيش


هل تعتقد ان حظك سيئ؟


لا قدر الله وماشاء فعل وقل لن يصيبنا الا كا كتب الله لنا وزى مابيقولوا اللى بيشوف بلاوى الناس بتهون عليه بلوته


هل هزمك حزنك في يوما من الايام؟

مرة واحدة فقط


((مستحيل انساك)) لمن تقولها ؟


لاصحابى

(( اللي راح راح وماتفيد كلمة ياريت )) إذا أردت ان توجه هذه العباره لمن


لمن احببته


(( انت كل شيء بحياتي )) لمن تقولها ؟

كل اصحابى وكل الناس اللى بتحبنى


متى اخر مره بكيت؟


من زمااااااااااان ييجى من 8 شهور كدة او 7 على مااذكر

اي الدول تتمنى ان تزورها ؟

فرنسا

هل انت راضي عن نفسك ؟

الى حد ما


بماذا تقر وتعترف أمامنا الان ؟

ان مهما الحياة عاكست اتجاهى هفضل مشية فى طريقى ومش هتهزمنى حاجة ابدا


اغمض عينيك دقيقه لو سمحت, ماذا خطر على بالك وانت مغمض العينين ؟

شجر


هل من الممكن ان تتحول الصداقه الى حب ؟

ممكن وده يااما هيكون اعظم انواع الحب يااما العكس تماما


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

ابدا الحمدلله بيقولوا يابخت من بات مظلوم ولاباتش ظالم


من هو اكثر شخص تفكر فيه؟

انا


هل تكره شخص بشده في حياتك ؟

لا مش كره لكنه استنفار ومكنتش اتمنى انى اقابله يوم فحياتى لكن كره لا


ما هو اقتراحك الذي تتمنى ان يحدث في هذا المنتدى ولم يحدث الى الان ؟

كووويس والله السؤال ده جامد كنت منتظراه والله فى حاجة مدايقانى هنا جدااا بس اتمنى محدش يفهمنى غلط انى بلاحظ المشاركة كبيرة جدا فى مواضيع ترفيهية وهناك موضوعات مهمة لا يقربها احد انا مبقلش منلعبش ولا منهزرش بس برضو لعب واستفادة مش كله لعب ومش كله جد


ماالذي يلفت انتباهك بسرعه في الشخص لكي تعجب به ؟

طيبة قلبه واتساع افقه


اذا احببت شخصا في الوقت الخطأ وفي المكان الخطأ فماذا تفعل ؟؟

هستناه يسيبنى يااما هسيبه انا لكن لو فضل متمسك بية انا هتمسك بيه غير كدة iam soooooooooooooory


حكمة تؤمن بها جدا؟؟

عامل الناس كما يحب ان يعاملوك جاوبتها قبل كدة فموضوع جنى


عاده تفعلها دائما تتمنى ان تتركها ؟

العصبية على اصحاابى هتجنننننننننننننننننننننننى مع انى ساعات ببقى باردة متفهميش ازاى :rabbit:


ماهو اجمل اسم لولد واجمل اسم لبنت من وجهة نظرك؟

ولد بحب اسم سيف اووى
والبنت حبيبة

فرعووووووووووووونتى اسئلة اكثررر من رااائعة اتمنى استمررارك

شكرا ملوكة على مرورك

اعتذار تريد ان تقدمه لمن؟

اى انسان ممكن اكون جرحته او زعلته فى مره او احرجته من غير قصد





ما ردة فعلك عندما يقول لك حبيبك : أحبك نعم ؟
اكيد هقولها وانا كمان بحبك واكيد هكون فرحان


ماذا ستكتب لنا لتعبر عن حياتك التي عشتها الى الان في كلمات قليله ؟
انسان وصل لجزء من حلمه وهو دخولى كليتى الحمد لله وقت الجد بكون جد لكن بحب الهزار والهزل



اذا اردت ان تبكي الان , فعلى من تبكي؟
على انسان مات وراح لربه ومكنش مستعد للموت او كانت اعماله مش كويسه



من ستختار ليمسح دموعك ؟
دائما بسمحها بنفسى وعايز افضل طول عمرى كدا



من يسكن قلبك؟
ربى وسيدى محمد ونفسى يقوى ايمانى اكتر



هل تعتقد ان حظك سيئ؟
اصحابى بيقولولى انى محظوظ جدا مع ان مبحسش بكدا اوى يعنى عادى يوم ليا ويوم عليا




هل هزمك حزنك في يوما من الايام؟
لا الحمد لله



((مستحيل انساك)) لمن تقولها ؟
الى اصدقائى اللى فى الثانويه القريبين منى والى ناس معينه على النت



(( اللي راح راح وماتفيد كلمة ياريت )) إذا أردت ان توجه هذه العباره لمن
الى اى انسان كدب عليا وبكدا بفقد الثقه فيه ولما بفقد الثقه فى حد بكرهه




(( انت كل شيء بحياتي )) لمن تقولها ؟
الى الانسانه اللى هحبها بجد



متى اخر مره بكيت؟
من اكتر منه سنه ونص نادر اوى اوى لما ببكى



اي الدول تتمنى ان تزورها ؟
الامارات


هل انت راضي عن نفسك ؟
لأ



بماذا تقر وتعترف أمامنا الان ؟
بأنى حزين لأنى هبعد عن اصحابى سواء انتوا ولا اصحابى التانيين ولأنى لو ملقتش شغل هنا هسافر واعيش طول عمرى متغرب بس للأسف مفيش حل تانى علشان الانسان يعيش عيشه كويسه وانى زعلان لأن الاجازه خلصــت بسرعه جامده جدا ملحقتش اتهنى بيها زى ماكنت عايز وانى نفسى التزم ف دينى اكتر من كدا



اغمض عينيك دقيقه لو سمحت, ماذا خطر على بالك وانت مغمض العينين ؟
انى عايز اذاكر كويس ف الكليه واطلع بتقدير عالى



هل من الممكن ان تتحول الصداقه الى حب ؟
ممكن جداا لكن العكس فى نظرى مستحيل



هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لأ الحمــد لله ربنا مايجعلنى اكون السبب فى كدا ابدا



من هو اكثر شخص تفكر فيه؟
مفيـــش شخص معين



هل تكره شخص بشده في حياتك ؟
يعــنى اللى بيكدب عليا او بيخونى



ما هو اقتراحك الذي تتمنى ان يحدث في هذا المنتدى ولم يحدث الى الان ؟
جزء من اللى ملاك قالته ان اغلب المشاركات فى المنتدى الترفيهى بس اللى مضايقنى اكتر ان فى المنتديات التانيه فى مشرفين على اقسام متعدده لكن فى منتدانا اتنين مشرفين على منتدى واحد وبقيت المنتديات مفيش عليه مشرفين دى حاجه مضايقانى نفسى اشوف المشاركات متوزعه



ماالذي يلفت انتباهك بسرعه في الشخص لكي تعجب به ؟
الاحترام والذكاء وخفه الدم



اذا احببت شخصا في الوقت الخطأ وفي المكان الخطأ فماذا تفعل ؟؟
هحاول ابعد نفسى علشان العلاقه متزيدش ويكون الفراق اصعب



حكمة تؤمن بها جدا؟؟
no pain no gain يعنى لا حصاد بلا الم



عاده تفعلها دائما تتمنى ان تتركها ؟
انى بفتح النـــــــــت كتيــــــــــر جداااااااا بس على العموم مش هتستمر لأنى خلاص هسافر عن قريب



ماهو اجمل اسم لولد واجمل اسم لبنت من وجهة نظرك؟

بصراحه انا بحب اسمى اوى وبحب اسم عبد القادر وعبد المنصف
اما اسماء البنات فبحب منها سلمى و رويدا

اعتذار تريد ان تقدمه لمن؟

للى زعلان منى


ما ردة فعلك عندما يقول لك حبيبك : أحبك نعم ؟

هقوله افكر ههههههههههههههههه


ماذا ستكتب لنا لتعبر عن حياتك التي عشتها الى الان في كلمات قليله ؟

بقابل مواقف كتيره وكل ماخلص الاقى موقف تانى دماغى مشغوله كتير
وبرضه دايما بحب اهزر واضحك



اذا اردت ان تبكي الان , فعلى من تبكي؟

على كل حاجه راحت منى


من ستختار ليمسح دموعك ؟

أمى


من يسكن قلبك؟

لحد دلوقتى ماما وبابا واخواتى واصحابى


هل تعتقد ان حظك سيئ؟

فى بعض المواقف اه بس بحس انه احسن من غيرى وبحمد ربنا



هل هزمك حزنك في يوما من الايام؟

لا لانى اما بيحصل موقف ممكن يزعلنى مبفكرش فيه اصلا وقته وبيروح


((مستحيل انساك)) لمن تقولها ؟

لاى حد بعيد عنى اعرفه (يعنى مينفعش اقولها )


(( اللي راح راح وماتفيد كلمة ياريت )) إذا أردت ان توجه هذه العباره لمن

لوزير التربيه والتعليم علشان عايز ينهض بالتعليم مكنش على ايامى ليه



(( انت كل شيء بحياتي )) لمن تقولها ؟

اكيد حبيبى بس ليه


متى اخر مره بكيت؟

يوم ما زعلت هههههههههههه انا فاكره


اي الدول تتمنى ان تزورها ؟

السعوديه

هل انت راضي عن نفسك ؟

الحمد لله


بماذا تقر وتعترف أمامنا الان ؟

علشان اكون صريحه مع نفسى وبعدين انا مش فى وسط ناس غريبه ده انتوا حبايبى ولانى دخلت المووضع واحب يكون فى بصمه وعلشان خاطر صحبه الموضوع يا جميل


اغمض عينيك دقيقه لو سمحت, ماذا خطر على بالك وانت مغمض العينين ؟

لقيت ضلمه وخطر على بالى ان فى حد جاى وفتحتها تانى ههههههه


هل من الممكن ان تتحول الصداقه الى حب ؟

اكيد طبعا مهو اللى بيحب مش بيباه على طول بتبدا تعارف ودى بدايه برضه الصداقه فيتكمل الصداقه وتباه اخرها يتتمد للحب


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

لالا خالص لان كما ادين سادان
وانا محبش حد يعمل فا كده


من هو اكثر شخص تفكر فيه؟

أمى نفسى تعشلى لحد منا اموت دى امنيتى بجد


هل تكره شخص بشده في حياتك ؟

لا مش بكره تقدرى تقولى تصرفاته بتباه غمضه شويه ومبتبقاش صح

ما هو اقتراحك الذي تتمنى ان يحدث في هذا المنتدى ولم يحدث الى الان ؟

نفسى يكون كل اللى موجود هنا اصحاب اوى مش لمجرد منتدى ترفيه لا يباه منتدى بمثابه الصديق تدخله تفرح وتشارك الفرحه وربنا ما يجيب زعل

ماالذي يلفت انتباهك بسرعه في الشخص لكي تعجب به ؟

شخص ولد ولا بنت
لو ولد رجولته
لو بنت اكيد حلوتها الهاديه وادبها


اذا احببت شخصا في الوقت الخطأ وفي المكان الخطأ فماذا تفعل ؟؟

لو الحب خطأ انسحب لكن الحب لا بالمكان ولا بالوقت الحب بييجى فى اى وقت


حكمة تؤمن بها جدا؟؟


كما تدين تدان وقولتها فى مووضع بيدو

عاده تفعلها دائما تتمنى ان تتركها ؟

السهر


ماهو اجمل اسم لولد واجمل اسم لبنت من وجهة نظرك؟

ولد سيف
بنت جاسمين

شكرا

موضوعك جامد جدا فرعونه نيس بجد
تقبلى مرورى

اعتزار تريد ان تقدمه لمن.؟لاى حد زعلان منى
مارد فعلك عندما يقول لك حبيبك احبك نعم؟هكون حاسه انى ملكه الدنيا كلها
ماذا ستكتب لنا عن حياتك التى عشتها حتى الان فى كلمات فليله؟هقول انها حياه زى اى حياه لازم احبها بحلوها بمرها وكل واحد يقدر انه يخلى حياته اجمل حياه
ااذا اردت ان تبكى فعلى من تبكى ؟مبكيش على حد علشان اى حد مش معايا دلوقتى مستحيل انا اللى اكون السبب فى دا يعنى الحد دا هو الى سبنى بارادته وانا عمرى مبكى على اى حد بعنى
من ستختار ليمسح دموعك؟حبيبى ولو مش موجود يبقى انا
من يسكن قلبك؟كل اللى بحبهم
هل تعتقد ان حظك سىء؟ مقدرش اقول اه او لا يعنى حظى حلو فى حاجات ووحش فى حاجات
هل غلبك حزنك فى يوم من الايم؟اه
مستحيل انساك لمن تقلها ؟للى هقله بحبك
اللى راح راح وما تفيد كلمه ياريت لمن تقول هذه الكلمه.؟مقلهاش لحد
انت كل شىء بحياتى لمن تقلها ؟للى هقله بحبك
متى اخر مره بكيت؟اول اول امبارح
اى دول تحب ان تزروها؟ تونس وباريس
هل انت راضى عن نفسك؟لا
ماذا تقر وتعترف لنا الان؟هو احنا فى محكمه ولا ايه
هل من الممكن ان تتحول الصداقه الى حب؟طبعا لكن العكس زى مقال احمد مستحيييييييييييييييييييييييييييييييل
هل كنت السبب فى تدمير حياه شخص؟لا ومبحبش انى اكون كده خاااااااااااااااااااااااااااااااااالص
من هو اكتر شخص تفكر فيه؟كل اللى بحبهم
هل تكره شخص بشده فى حياتك؟انا عمرى مكره حد ولا احب انى اكره حد
ما الذى يلفت انتباهك بسرعه فى الشخص لكى تعجب به؟طيبته وحنيته وعقله ورجولته وان يكون قلبه ابيض
اذا احببت شخص فى الوقت الخطأ والمكان الخطأ فماذا تفعل ؟ لو كان الانسان صح مستحيل افكر حتى انه اسيبه مهما كانت الظروف
حكمه تؤمن بها جدا؟ان كل شىء نصيب
عاده تفعلها دائما تتمنى ان تتركها؟اى حاجه بمعلها بتضرنى
ما هو اجمل اسم ولد واسم بنت من وجهه نظرك؟اسم ولد محمد وجاسر
واسم بنت مهريمان وبلقيس ونجود وجنا وجودى