فضفضــــ،،ــــــــة

لم أكن أتصور ان ما فى نفسى سيكون عرضة للنشر على صفحات النت
ولم أكن أتخيل أن ما صدرى سيكون منشور فى أنتظار تعليقات أحد
ولكنى أيضاً لم ولن أخجل من أخوانى
فقررت أن أفضفض وأدعوكم للفضفضة فى هذا الركن

دخلت فى بوح القلوب وقررت أنى أشترك فى البوح
ولكنى ....للحقيقة ضننت بفضفضتى على اى ركن احببت أن أختص بالفضفضة
قد تكون الفضفضة فكرة منقولة
ولكنى أعتذر ولكن بحاجه ماسه لها

والأن دعونى افضفض ودعوا انفسكم لمساحة قد تسمح بالفضفضة

نفسى أتكلم ....مخنوقة
نفسى أخرج فى الشارع أشتم وأضرب
يمكن يفش غلى
كل ده عمال يحصل والناس ولا هى هنا
مستنين أيه
مستنين يبيعوا عيالنا
مستنين أيه بالذمة
حد يقولى
نفسى أنزل أصرخ فى خلق الله اللى ماشية فى الشارع ولا هى هنا
بيبيعوا البلد حتة حتة
وبيغيروا الدستور علشان التوريث ويمنعوا اى نائب حر يخش مجلس الشعب
إسرائيل بتضرب فى أخوانا فى فلسطين ومابقناش قادرين حتى على الشعب اللى كنا بنتريق عليه
مبارك يعرب عن تفهمه للتدخل الأثيوبى فى الصومال
حتى الأمن القومى فرطنا فيه
مش عارفة أقول أيه
يا جماعة أحنا محتاجين معجزة تحركنا

والله انتى الي معجزة انك قدرتى تنطقي ده الى كتير بيخاف يقولو ة
فضفضتى انا بقى كل الي خانقنى ومعذبنى داخله على حاجة خطيرة في حياتى بتمنى من ربنا سبحانة وتعالى يعديها على خير :7376:
تقبلي مروري

ايه الموضوع الجامد دة

يسلمو نوران

وربنا معاكى يا فرعونه ياقمرى

والله مش عارف يا نوران احنا بجد عايزين حد كويس اوى علشان يطلعنا من اللى احنا فيه لازم حاكم يكون عادل وعنده حاجات كتيره يقدر يعملها احنا بجد نفسنا فى كدا كلنا نفسنا نكون احسن انا نفسى مصر تكون احسن دوله فى العالم مش لوحدى كلنا لكن كل اللى نقدر نعمله اننا نحاول نغير من نفسنا نحاول نكون احسن لأن ربنا قال (لا يغير الله ما بقوم حتى يغيروا ما بأنفسهم ) صدق الله العظيم

الكلام ده قولته قبل كدا وبقوله تانى لأن هو ده اللى انا شايفه انه ينفع يعمله كل واحد فينا

ربنا يعينا ان شاء الله تسلم ايدك نوراااااااااااااان

:شكرا:

انا بقي شايفة ان مهما حصل مفيش اى حاجة تفرق معايا خالص ولا مشاكل ولااى حاجة ومفيش اى حاجة خنقانى
كل اللى بيشغلنى ازاى اعيش سعيدة وبس
اما بالنسبة لفلسطين والعراق ولبنان وسكوتنا
انا بصراحة يئست
وحاسة
ان كل شيئ فى مكانه
مفيش حاجة بتتحرك
غير
كل يوم
بعدنا بيزيد يوم عن يوم

ويارب اى حد خنقاه اى حاجة يلجأ لربنا ويحااول يقف مع نفسه ويشوف حل المشكلة اى
ميرسي اووى نوران بجد الفكرة جامدة جداا